Ш.Уәлиханов атындағы Жамбыл облыстық әмбебап ғылыми кітапханасы 1 мамыр «Қазақстан халықтарының бірлігі» күні мерекесіне орай Қазақстанда мекен ететін халықтардың тілі мен мәдениетіне деген құрметін шыңдау, еліміздегі халықтар достығын, бірлігін нығайту мақсатында «Қазақстан - достық мекені» атты жыр шашу ұйымдастырды. Аталған іс-шараға байланысты ұлтаралық татулық пен тұрақтылықтың феномені – Қазақстан Халықтары Ассамблеясының тарихы мен мақсатын баяндайтын көптеген мәліметтер берілді. Сонымен қатар «Еркесылқым», «Шаттық» күйі орындалып, арнау оқылды. Қатысушы оқырмандар өзге ұлттардың биін билеп, «Қазақ елі», «Француз» әндерін орындады.
