Кітапханада Әулиеата өңірінде дүниеге келген белгілі айтыскер ақын Қошан Жантәліұлының (Жантасбайұлы) 150 жылдығына арналған «Айтыс өнерінің майталманы» тақырыбында сыр-сұхбат өтті. Сұхбатқа арнайы, 2019 жылы Жамбыл облысының 80 жылдығына орай жарық көрген «Тараз мұралары» 80 томдығын шығару кезінде Шу-Талас өңіріндегі қуатты ақындардың қатарындағы Қошан Жәнтәліұлының шығармашылығын жинақтап, аталмыш жинақтың 49 томына енгізген, филология ғылымдарының докторы, профессор, әдебиеттанушы Сәмен Құлбарақ шақырылып, айтыскер ақын жайында ойларымен бөлісті.
