Ш.Уәлиханов атындағы Жамбыл облыстық әмбебап ғылыми кітапханасы Қазақстан Суретшілер Одағының мүшесі, суретші, қолөнерші, мүсінші Қазым Аманқосовқа арналған «Өнердегі өмір өрнегі» тақырыбында өнер аялдамасы ұйымдастырылды.
Іс-шараға Қазақстанның Суретшілер Одағының мүшесі Жексенбаев Мұрат Елубайұлы, «Жамбыл облысының қолөнершілер одағы» қоғамдық бірлестігінің төрағасы Бисенов Серік Ықыласұлы, Қазақстан Жазушылар Одағының мүшесі, ақын, жазушы, журналист Баймаханбет Ахмет, Көркемсурет галереясының меңгерушісі Райқұлова Балнұр Сембайқызы, Жамбыл облысы әкімдігінің жұмыспен қамту және әлеуметтік бағдарламалар басқармасына қарасты Әлеуметтік орталығының психолог маманы Дауірбаева Қарлығаш Дастанбайқызы қатысып, қолөнермен өмірін байланыстырған, бейнелеу өнерінің де биігіне көтерілген суретші жайында көптеген әңгіме қозғап, қолөнер саласына сіңірген еңбегі өз ісіне деген адалдығы жайлы, қайтсем де қазақтың қолөнерін халықаралық деңгейде танытамын деген ой-пайымы төңірегінде сөз қозғалды.
Кеш соңы шебердің домбыра ойналғанда, саусаққа iлiнген жiп арқылы ойнақтай билейтiн «Ортеке» қуыршақ-аспап өнерімен кітапхана оқырмандарын қайран қалдырдырды.
