Ш.Уәлиханов атындағы ғылыми әмбебап кітапханасы мен Түркістан облыстық «Фараб» әмбебап ғылыми кітапханасы бірлесіп Мемлекет және қоғам қайраткері, экономика ғылымдарының докторы, академик Қаратай Тұрысовтың туғанына 90 жыл толуына орай «Ұлт мүддесінің күрескері» тақырыбында онлайн Zoom платформасы арқылы ғалымдар басқосуы өтті.
Іс-шараға М.Х.Дулати атындағы Тараз өңірлік университетінің профессоры, филология ғылымдарының докторы Көпбаева Меруерт Рахымбайқызы, осы университеттің филология және журналистика факультетінің аға оқытушысы, әдебиеттанушы Мақашев Бақытжан Маханұлы, Тараз қаласының құрметті азаматы Смаилов Марат Раимбекұлы және Қаратай Тұрысовтың інісі Тұрысов Әлімқұл Мәметәліұлы, сонымен қатар Түркістан облыстық «Фараб» әмбебап ғылыми кітапханасынан Қ.А.Ясауи атындағы ХҚТУ-ның Экономика, басқару және құқық факультетінің декан орынбасары, доцент Баймағанбетов Сәбит Түленбайұлы және осы оқу орнынан зейнеткер оқытушы, саясаттану ғылымдарының кандидаты Қайнар Марал Ерғазықызы қатысты.
Аталмыш басқосуда ғалымның ғылымдағы ғұмыры, туған елінің өсу, өркендеу, одан тәуелсіз ел ретінде қалыптасу, іргесін бекіту жолында сарп еткен еңбектеріне тоқталып, жүрек толқытарлық естеліктері, ағамыздың көзі тірі кезінде қазақ деген ұлттың мүддесіне қызмет еткені жайында толық айтылды.
