Бүгін кітапхананың ұйымдастыруымен «№2 Арнаулы әлеуметтік қызметтер ұсыну орталығы» коммуналдық мемлекеттік мекемесінде 1 қазан - Халықаралық қарттар күніне орай «Жарқын жүзді, жүрегі ақ, жаны асылдар...» тақырыбында қайырымдылық акциясы ұйымдастырылды.
Адамның өмірінің мәні мен сұлулығы, адамның келешегіне сенімділігі -баланың ата-анасын ардақ тұтып, өзінің перзенттік қарызын бір сәтке де есінен шығармауында. Үлкендіктен ешкім құтыла алмаған. Бірақ кәріліктің өзінің сәні-мәні бар. Қарт кісіні құт-береке деп танысақ ол ұрпақ көрегендігі. Ата-бабадан жалғасып келе жатқан қазақ халқының өнегелі қасиетінің бірі - қариясын құрметтеу. Осы орайда, кітапхана қызметкерлері мереке күніне орай барлық арнаулы әлеуметтік қызмет көрсету орталығындағы тәрбиеленушілерге тәттілер үлестіріп, концерттік бағдарламасын ұсынды.
Іс-шара барысында мейірімділікті, қайырымдылықты, қамқорлықты, кішіпейілділікті дамытуға бағытталған әдебиеттер мен мерзімді басылымдардан кітап көрмесі қойылып, таныстырылды.
Кеш соңы аталған мекеме директоры Бердалиев Мұрат Азимханұлы Ш.Уәлиханов атындағы Жамбыл облыстық әмбебап ғылыми кітапханасының ұжымын Алғыс хатпен марапаттады.
