Бүгін кітапханада Қыркүйектің соңғы жекенбісі Еңбек күні мерекесіне орай педагогика ғылымдарының докторы, профессор, Ұлттық білім академиясының академигі, Ш.Мұртаза атындағы Халықаралық Тараз инновациялық институтының ректоры Сарыбеков Махметғали Нұрғалиұлына арналған «Еңбек мерекесі - елдің берекесі» тақырыбында ардагер сағатын ұйымдастырды.
Кешіміздің құрметті қонағы Сарыбеков Махметғали Нұрғалиұлы кездесу барысында кітапхана оқырмандарына еңбек жолындағы қиыншылықтар мен қуанышты сәттер жайлы әңгімелеп, оған түрлі мысалдар келтіру арқылы ғибратты әңгімелерін айтып, өмірлік ұстанымдары, шығармашылығы туралы қойылған сұрақтарға жауап беріп, еркін пікір алысты.
Сонымен қатар, кездесуге жұбайы, Ш.Мұртаза атындағы Халықаралық Тараз инновациялық институтының профессоры Сарыбекова Жанат Төленқызы, осы орталықтың филология және гуманитарлық ғылымдар факультетінің тарих кафедрасының магистрі, аға оқытушы Көбесова Ақнұр Смайылқызы, Керімбай атындағы №12 мектеп гимназиясының тарих пәнінің мұғалімі Эльмира Қайырбаева қатысып, табандылығы мен қажырлы еңбегіне шын көңілмен ризашылықтарын білдіріп, жақсы әсермен тарқасты.
