«ШЫНАЙЫ ШЫҒАРМАЛАРЫ ӘДЕБИЕТІМІЗБЕН БІРГЕ ЖАСАЙДЫ» ТАҚЫРЫБЫНДА ӘДЕБИ ВЕРНИСАЖ ӨТТІ
Кітапханасы «Ел болып оқимыз» облыстық жобасы аясында көрнекті балалар жазушысы, дарынды журналист, ҚР еңбек сіңірген мәдениет қайраткері, Халықаралық «Алаш» әдеби сыйлығының иегері Әлдихан Қалдыбаевтың шығармашылығын насихаттау айлығының ресми ашылуы ретінде «Шынайы шығармалары әдебиетімізбен бірге жасайды» тақырыбында әдеби вернисаж ұйымдастырды.
Балалар әдебиетінің ірі тұлғасының көркем дүниелері кезінде жоғары бағасын алған Әлдихан Қалдыбаевтың тілге жүйрік, жүрекке жылы шығармалары жайлы жергілікті зиялы қауым өкілдері, жазушыны білетін замандастары, жақындары Қазақстанның еңбек сіңірген қайраткері, , халықаралық «Алаш» әдеби сыйлығының лауреаты жазушы, журналист Көсемәлі Сәттібайұлы, Қазақстан Журналисттер Одағының мүшесі Маханбетәлі Дүйсебаев, Қазақ журналистикасының қайраткері Ақылжан Мамытов, Қазақстан Жазушылар және Журналисттер Одағының мүшесі, сатирик және балалар ақыны Бақытжан Советұлы, балалар жазушы, Қазақстан Журналисттер одағының мүшесі, «AQ JOL» газетінің аға тілшісі Марат Құлибайұлы қатысып, адамгершілікті қуаттайтын, тағылымды, сезімді толқытатын балаларға арналған кітаптарын талдап, жазушы прозасында балалық шақтың қызықтарынан бастап, аталық кезеңінің даналық тағылымдары шебер әрі тартымды суреттелетіні жайлы әңгіме өрбітті.
