Бүгін кітапханада халқымыздың біртуар азаматтары, қайсар Алаш ұлдары - Сәкен Сейфуллин, Бейімбет Майлин және Ілияс Жансүгіровтың 130 жылдығына орай «ҮШ АРЫС, ҮШ БӘЙТЕРЕК» облыстық шығармашылық байқау ұйымдастырды. Халықтың кітап оқу белсенділігін арттыру мақсатына ұлтымыздың үш бәйтерегі атанған Сәкен, Ілияс, Бейімбет сынды өнер, қоғам қайраткерлері болған арыстай ер азаматтардың, ақын-жазушылардың шығармаларын насихаттау, жас оқырмандардың шығармашылық ойлауын дамыту және ойлы жазу шеберлігін шыңдау, өз ойын еркін жеткізе білуге баулу, ұлағатты адамдардың өмірі мен шығармашылық жолын зерделеуге жұмылдыру, дүниетанымын кеңейтуге бағытталған байқауға 14-21 және 22-35 жас аралығындағы үміткерлер - кітапхана оқырмандары қатысты.
Байқаудың І-ші аудандық кезеңінің жеңімпаздары бүгін кітапханада жиналып, бақ сынасты.
«Алаштың Үш Арысы» тақырыбында мәнерлеп өлең оқу, «Үш бәйтерек - үш ғұмыр» - эссе жазбасы, әлеуметтік желілерге жарияланған bainerils, үміткердің танымдық қабілетін бағалау шарттарын мүлтіксіз орындаған қатысушылар келесі жүлделі орындарға ие болды: 14-21 жас аралығындағы бас жүлде - Жамбыл ауданынан келген Жанболат Бақытұлы, I-ші жүлделі орынды Жуалылық Бауыржан Қанатбек, ІІ -ші орын - Қордайлық Нұрай Тұрғанбай, ІІІ-ші орынды Талас ауданының оқырманы Жаңабай Бекайым иеленді.
22-35 жас аралығындағы бас жүлдені Т.Рысқұлов ауданының оқырманы Нұршат Ерсайын иеленсе, I-ші жүлделі орын Байзақ ауданынан келген Зарина Сатышоваға бұйырды.
Байқау қатысушыларының барлығына арнайы дипломдар мен естелік сыйлықтар табыс етілді.
.jpg)