Ш.Уәлиханов атындағы Жамбыл облыстық әмбебап ғылыми кітапханасында «Парасат жолы» жобасы аясында ақиық ақын Мұқағали Мақатаевтың 90 жылдығына арнап «Ғашықпын! Шын ғашықпын, сол адамға!» атты «әдеби хэппенинг» - өлең оқу акциясын ұйымдастырды.
Іс-шараға ҚР Сыбайлас жемқорлыққа қарсы іс-қимыл Агенттігінің Жамбыл облысы бойынша департаменті басшысының бірінші орынбасары Равиль Төлебаев, департамент жанынан құрылған ақпараттық-ағартушылық штабының жетекшісі Қасымхан Естемісұлы, ақын, Қазақстан Жазушылар одағының мүшесі Баймаханбет Ахмет, «Асыл арман» қоғамдық бірлестігі, «Инабат» қыздар клубының жетекшісі, облыстық ата-аналар комитетінің төрағасы Ринат Нұрақбаев қатысты.
Әдеби хэппенинг – өлең оқу акциясында М.Х.Дулати атындағы Тараз өңірлік университетінің «Ғылыми-әлеуметтік ғылымдар» факультетінің студенттері, Ш.Смаханұлы атындағы №44 орта мектебі мен Тараз қалалық №51 орта мектептің оқушылары ақын жырларын жатқа оқыса, қатысушылар ақиық ақын туралы көптеген тың деректермен бөлісті.
