18 наурыз – Ұлттық киім күніне орай кітапхана қызметкерлері «Аспара» Модельдік өнер және бизнес колледжінде «Дәстүрден нәр алған сән» атты этно-арт сағатын ұйымдастырды.
Іс-шараның мақсаты – ұлттық киімдердің тарихы мен маңызын насихаттау, қазақ халқының сәндік-қолданбалы өнерін дәріптеу, жастардың ұлттық құндылықтарға деген қызығушылығын арттыру және эстетикалық талғамын қалыптастыру.
Іс-шара барысында қатысушыларға қазақтың дәстүрлі киім үлгілері таныстырылып, олардың ерекшеліктері мен мән-мағынасы кеңінен түсіндірілді. Сонымен қатар, ұлттық нақыштағы сән көрсетілімі ұйымдастырылып, студенттер өздерінің шығармашылық жұмыстарын ұсынды.
