Ш. Уәлиханов атындағы Жамбыл облыстық әмбебап ғылыми кітапханасында кітапханашылар семинары ұйымдастырылды
Облыстық және аудандық кітапханалар қызметкерлерінің қатысуымен өткен семинар «Рухани жаңғыру аясындағы кітапханалар міндеті» тақырыбын қамтыды. Онда сала мамандарының атқарған міндеттері, кәсіби дағдылармен алмасуы, біліктілігін арттырып, қызметінің жаңа технологияларын меңгеру жайы сөз болды. Мұнда әсіресе ауыл кітапханашыларының жаңа шыңдарды бағындыру жолындағы ізденістері туралы кеңінен айтылды. Іс-шараға өңірдің 10 аудандық орталықтандырылған кітапхана жүйелерінің қызметкерлері онлайн режимде қатысты.
Семинарда Жамбыл облысы әкімдігінің мәдениет, архивтер және құжаттама басқармасы мәдениет және өнер бөлімінің бас маманы Жадыра Құттыбаева, «Өрлеу» біліктілікті арттыру ұлттық орталығы акционерлік қоғамының Жамбыл облысы бойынша педагогикалық қызметкерлердің біліктілігін арттыру институты, «Инновациялық технологиялар және ғылыми-жаратылыстану (гуманитарлық) пәндерді оқыту әдістемесі» кафедрасының меңгерушісі Шынар Тойғанбекова және аға оқытушысы Үміт Жақсылықова қоғамның мәдени дамуының формацияларына негізделген кітапхана қызметі жайында ой бөлісіп, «Кәсіби шеберлікті шыңдау жолы» тақырыбында тренинг өткізді.
Диляра Дархан
Жамбыл Тараз. - 2017. - 8 қараша (№45). - 8 б.