Ш.Уәлиханов атындағы Жамбыл облыстық әмбебап ғылыми кітапханасының ұйымдастыруымен Елбасы Н.Назарбаевтың «Болашаққа бағдар: рухани жаңғыру» бағдарламалық мақаласын насихаттау, Тараздың тарихи атауының қайтарылуына 20 жыл толуына орай бүгінгі гүлденген қаламызға деген құрмет пен сүйіспеншілікті насихаттайтын жырлар арқылы өнер аясын кеңейту, шығармашыл жастардың әдебиет танымын тереңдету мақсатында қаламыздың Махаббат аллеясында «Тараз – парсы ақындарының жыр шумақтарында» атты әдеби альманах өтті.
Іс-шарада кітапхана жанынан құрылған «Қаламгер» клубының мүшелері, жас ақындар Ж.Молдабекова, А.Қуат, Б.Бексұлтан, Г.Жұбанышева, Қ.Саршаев, М.Бодау, М.Ержанұлы, М.Мейрамбайқызы, Е.Юсуп, Т.Сағындық, Ж.Дүйсен, Н.Төленді, А.Байғабыл, Б.Қоштаев, Н.Ысыралиева, Б.Қасымхан, Б.Өмірәлі, Д,Есентай Тараз шаһарына арнаған өздерінің жыр шумақтарын оқып, қазіргі Тараз қаласының сұлу көріністері мен қыздарын жырға қосты. М.Х.Дулати атындығы Тараз Мемлекеттік университетінің білімгерлері Тараз өңірінен шыққан шайырлар мен парсы ақындарының жырларынан үзінді оқыды.
