Ш.Уәлиханов атындағы Жамбыл облыстық әмбебап ғылыми кітапханасында 1 желтоқсан - Қазақстан Республикасының Тұңғыш Президент күніне орай еліміздің Тұңғыш Президенті Н.Ә.Назарбаев халықты жарқын істерге жұмылдыру, қоғамдағы татулық пен келісімді нығайту, бүкіл халықаралық қоғамдастықтың ризашылығы мен құрметіне ие болған жаһандық және өңірлік бейбіт бастамалардың авторы ретінде елдің сыртқы саяси бағытын дәл айқындау ісіне орасан зор үлес қосқанын оқырмандарға түсіндіру мақсатында «Президенттің уақыты және өзі жайында толғаныстары» атты деректі фильм көрсетілімі өтті.
Облыстық кино орталығы және «Өрлеу» біліктілікті арттыру орталығы акционерлік қоғамының педагогикалық қызметкерлердің біліктілігін арттыру институтымен бірлесе отырып ұйымдастырылған іс-шараны кітапхана қызметкерлері ашып, Елбасы Н.Назарбаевтың өмірі мен еңбек жолына тоқталды. Деректі фильмнен кейін «Өрлеу» біліктілікті арттыру орталығы акционерлік қоғамының педагогикалық қызметкерлердің біліктілігін арттыру институты, «Инновациялық технологиялар және ғылыми-жаратылыстану (гуманитарлық) пәндерді оқыту әдістемесі» кафедрасының меңгерушісі, педагогика ғылымдарының кандидаты Ш.Тойғанбекова және басқа да оқытушылар өз ойларын ортаға салды.
Іс-шараға қатысқан Тараз политехникалық колледжі білімгерлері деректі фильм көрсетілімін тамашалады.
