Бүгін кітапханада «Дәстүр» клуб мүшелерінің ұйымдастыруымен халқымыздың рухани байлығын игеруге, ұлттық озық дәстүрінен үлгі алуға баулу, халқымыздың ғасырдан ғасырға жалғасып келе жатқан салт – дәстүрлерін дәріптеу мақсатында «Қазағымның салт-дәстүрі жаңғырған...» fashion-тренд өтті.
Аталмыш іс-шараға «Өшпес мұра» Жамбыл облысы қолөнершілер ассоциациясының төрайымы Гульнара Исембайқызы, Жамбыл политехникалық жоғарғы колледжінің «Сәндік қолданбалы қолөнер» мамандарын дайындау бөлімінің арнайы пән оқытушысы Динара Файзуллақызы қатысты.
Кеш барысында ата-бабаларымыздың, апа-әжелеріміздің бай мұрасының шеберлік қабілетін жалғастырып, өрнектеп, жетілдіріп баға жетпес қазынаға айналдырып жүрген Гульнара Исембайқызы өз қолымен жасаған қолөнер туындысын кітапханаға тарту етті.
