Ш.Уәлиханов атындағы Жамбыл облыстық әмбебап ғылыми кітапханасында Елбасы Н.Назарбаевтың «Болашаққа бағдар: рухани жаңғыру» атты бағдарламалық мақаласын жүзеге асыру аясында Қазақстан Жазушылар Одағы, КСРО Жазушылар Одағының мүшесі, Халықаралық «Дарабоз» бәйгесінің лауреаты, Еңбек Қызыл Ту орденінің иегері, Сарысу ауданының Құрметті азаматы, «Жұмбақ жұлдыз», «Кішкентай генералдар», «Ән салыңызшы, Әке!», «Елгезек ертегілер елінде», «Арайлы таң алауы» т.б. кітаптардың сондай-ақ тарихи-танымдық «Шежірелі Сарысу», «Сарысунама», «Үркердей болып көшкен жұрт», «Шеркешнама» кітаптарының авторы, жазушы Пернебай Дүйсенбиннің 75 жас мерейтойына орай «Қарлығаш көңіл қаламгер» Дара жол кездесу кеші өтті.
Жазушының өмірдегі дары жолы, шығармашылығымен оқырмандырды жете таныстырып, оның жастарды патриотимзге бағыттайтын туған жеріміз бен еліміздің тарихынан сыр шертетін тарихи кітаптарын кеңінен насихаттау мақсатында ұйымдастырылған іс-шараға Пернебай Дүйсенбиннің рухтас әріптестері жазушы, публицист Елен Әлімжан, «Дулатитану» ғылыми зерттеу орталығының директоры, «Филология және журналистика» кафедрасының меңгерушісі, доцент, профессор Сәмен Құлбарақ, Қазақстан Жазушылар Одағының мүшесі, Жамбыл облыстық «Jambyl» телеарнасының лауреаты Ғайни Әлімбекқызы.
Кеш барысында қонақтар кейіпкер және оның шығармашылығы жайлы оздерінің ой пікірлерін білдіріп, өз естеліктерімен бөлісті. Жазушыға арналған арнау өлең оқылып, өз кезегінде шара қонағының сүйікті әндері де шырқалды. Көрермен аудиторияны жазушының шығармашылығымен тереңірек таныстыру үшін «Сан қырлы суреткер» тақырыбында виртуалды кітап көрмесі ұйымдастырылды. Қатысушы оқырмандар түрлі тақырыпта (кітаптары, жазуға түрткі болған мәселелер, жоспарлар), және т.б сұрақтар қойып, жазушының шығармашылығына қызығушылық танытты. Кездесуді қорытындылаған кітапхана директоры Абдинова Эльмира Елеусізқызы сырлы сөз иесіне кітапхана ұжымы және оқырмандар атынан алғыс айтып, шығармашылық табыс тіледі.
.jpg)
.jpg)
