Ш.Уәлиханов атындағы Жамбыл облыстық әмбебап ғылыми кітапханасында Астана қаласының 20 жылдығына орай «Арайлы таңдай – сұлу Астана» тақырыбында библиография күні өтті.
Мақсаты: оқырмандар арасында кітапханалық-библиографиялық білімді насихаттау, оларға өз бетінше қажетті ақпарат көздерімен жұмыс жасау бойынша кеңес беру және оны іздеу жолдарын үйрету, Астана тарихы мен қаланың дамуы туралы мағлұмат беру, жастардың Елорда туралы білімдерін кеңейту. Іс-шараға М.Х.Дулати атындағы ТарМУ университеті гуманитарлық-әлеуметтік ғылымдар факультетінің 2 курс білімгерлері қатысты.
Библиография күнінің бағдарламасына сәйкес, кітапханашылар Отанымыздың бас қаласы Астана ХХІ ғасырдағы Қазақстанның ең сәулетті де, айшықты елордасына айналғанына, қала тарихы, экономикасы мен мәдени жетістіктерінің өркендеуіне тоқталып өтті. «Астана - Отанымыздың жүрегі» атты библиографиялық көрсеткішке шолу жасалынды, «Ел жүрегі – Астана» тақырыбында кітап көрмесі ұйымдастырылып, кітапханалық сабақ және қатысушылар назарына «Ойлы болсаң - озып көр» викториналық ойын ұсынылды. Іс-шара «Жайна, жайна Астана» әнімен аяқталды.
