Ш.Уәлиханов атындағы Жамбыл облыстық әмбебап ғылыми кітапханасы мен Жастар ресурстық орталығының ұйымдастыруымен 5 қыркүйек - Қазақстан халқы тілдері күніне орай «Алаштың асыл арыстары» ғылыми-танымдық конференция ұйымдастырды.
Конференцияға тарих ғылымдарының магистрі Байболов Ерлан Түйтебайұлы, айтыскер ақын Ербол Қамбатыров, Жамбыл облысы бойынша «Германиядағы Кеңес әскерінің тобы мен Варшава Келісім шарты әскерінің тобы ардагерлері» республикалық қоғамдық бірлестігінің директоры Сабыралы Қыдыралиев, Қазақстан студенттерінің Альянсы Жамбыл облыстық филиалы төрағасы Дархан Байпақ қатысып, Қазақстанда тұратын этностардың мәдени мұрасы, қазақ тілінің ахуалы мен міндеттері жайлы сөз қозғап, жастар арнайы сұрақтарын қойып, ой-пікірлер алмасты. Сонымен қатар, қазақ тілін жастар арасында насихаттау және ана тілімізді отандастарымыз үшін білудің маңызы зор екені тілге тиек етіп, қазақ тілін қолданушылар қатары көбейіп, жылдан-жылға мемлекеттік тіліміздің мәртебесі арта берсін деген тілектерін жеткізді.
