Қыркүйектің 5-і «Ұлттың сақталуына да, жоғалуына да себеп болатын нәрсенің қуаттысы - тіл» деп ұлағатты сөз қалдырған ақын, ғалым, мемлекет және қоғам қайраткері Ахмет Байтұрсынұлының туған күні. Алаш арысының туған күніне орай кітапханада «Ахмет. Ұлт ұстазы» фильмінің шығармашылық тобымен кездесу өтті. Еркін сұрақ-жауап форматындағы рухани кездесуге кітапхана қызметкерлері, тіл жанашырлары, оқушылары мен студенттер «Ахмет. Ұлт ұстазы» фильмі жайлы әсерлерін әңгімелеп, көкейдегі сұрақтарын актер, драматург Байғали Есенәлиев және режиссері Мұрат Есжанға қойды.
