24 қазан - кітапханашылар күніне орай «Сарқылмас парасаттың сарайы» тақырыбында мерекелік кеш өтті.
Мерекелік кеш «Кітапханашылар триосының» орындауындағы «Кітапхана осындай» әнімен ашылды. Алғаш болып сөз алған Жамбыл облысы әкімдігінің мәдениет және тілдерді дамыту басқармасының басшысы Ерлан Жүнісбай сала мамандарын кәсіби мерекемен құттықтап, үздік кітапханашыларға арнайы марапаттарды табыс етті.
Қазақстан Республикасы Мемлекеттік қызмет істер агентігінің Жамбыл облысы бойынша департаменті басшысының орынбасары Нұрқат Батырқұлов, Қазақстан Республикасы Президенті жанындағы Мемлекеттік басқару академиясының Білім беру бағдарламаларын әзірлеу және ілгерілету кабинетінің аға оқытушысы Тәтті Мадиярқызы, Тараз қаласы мәслихатының төрағасы Олжабай Кенжебек Мамашбайұлы және «Салалық мәдениет, спорт және ақпарат қызметкерлерінің кәсіптік одағы» қоғамдық бірлестігі Жамбыл облыстық филиалының төрағасы, сазгер Дүйсенәлі Бықыбаев құрметті қонақтар қатарында болды. Сондай-ақ, өз тараптарынан кітапханашыларға алғыс хаттар мен гүл шоқтарын табыстады.
Меркелік кеш «Кітапханашылар әнұранымен» өз мәресіне жетті.
