Кітапхана IT лицей – интернатында «Білімді жастар –мәңгілік ел болашағы» атты ток шоу өткізді.
Интернаттың 7- сынып оқушылары жас болса да, бас болып жүрген арда азамат Қазақстандық спортшы, грек-рим күресінің палуаны, 2023 жылғы Азия чемпионы, Сурдолимпиаданың қола жүлдегері (2022ж), грек-рим күресінен ҚР еңбек сіңірген спорт шебері Нұржан Асанмен кездесті. «Жігітке жеті өнер де аз» демекші, Нұржан Асан өзінің кітап оқығанды, атқа мініп, балық аулағанды, тауға шығып серуендегенді, саяхатқа шыққанды жақсы көретіндігін айтты. Көзінде от ойнаған спортшы, олимпиада чемпионы атанып қана қоймай, әлем чемпионатында бірнеше рет ұтатынына кәміл сенімді екенін жастарға жеткізді.
Кездесу барысында оқушылар спорт шеберіне сұрақтар қойып, пікір алмасты.
