Кітапхана жанынан құрылған «Қаламгер» клубы мүшелерінің ұйымдастыруымен «Кітап - асыл қазына» тақырыбында Тараз қаласындағы №66 Жайлы мектептің 4 сынып оқушыларының кітапханамен танысуы өтті.
Іс-шараның мақсаты - рухани және интеллектуалдық дамытудың көзі ретінде өскелең ұрпақтың кітапқа деген қызығушылығын ояту, кітап оқу мәдениетін қалыптастыру, отандық және әлем әдебиеттерін оқуға тарту. Кітапханашылар балаларға сұрақ-жауап айдарын жасап, белсенділеріне ұлағатты сөздер мен мақал-мәтелдер жазылған тәттілер сыйға тартты, кітап оқу қажеттілігінің себебі, маңызы, шығу жолдары, тарихы туралы мағлұматтар беріп, слайдтар көрсетті. Сайын Мұратбековтің «Жусан иісі» повесі талқыланып, іс-шара соңында кітапханаға экскурсия жасалды.
