Тәжірбиелерін толықтырады
Елбасы Нұрсылтан Әбішұлы Назарбаевтың «Болашаққа бағдар: рухани жаңғыру» атты бағдарламалық мақаласында жүктелген міндеттерді жүзеге асыруға әулиеаталық кітапханашылар да үлес қосуда.
Ш.Уәлиханов атындағы облыстық әмбебап ғылыми кітапханасында «Рухани жаңғыру» аясындағы кітапханалар міндеті» тақырыбында онлайн семинар ұйымдастырылды. Оған облыстың 10 ауданындағы барлық кітапханашылар онлайн режимінде қатысып, бір-бірімен тәжірбие алмасты. Әр аймақта аталмыш бағдарлама бойынша атқарылып жатқан шаралардың барысына талдау жасалды.
Семинар барысында кітапханаға оқырмандарды көптеп тартудың тиімді тәсілдері айтылды. «Өрлеу» біліктілікті арттыру ұлттық орталығы акционерлік қоғамының Жамбыл облысы бойынша педагокикалық қызметкерлердің біліктілігін арттыру институтының кафедра меңгерушісі Шынар Тойғанбекова мен аға оқытушысы Үміт Жақсылықова қызықты тренинг өткізді. Семинарға қатысушылар «Кәсіби шеберлікті шыңдау жолы» тақырыбында пікір алмасты.
Қамар Рахметуллина
Арай. - 2017. - 9 қараша (№44). - 12 б.