Киелі Әулиеата өңірінде тарихи сәт орын алғаны белгілі. Тараз қаласы әкімдігінің қаулысы және Тараз қалалық мәслихатының шешімі негізінде қала аумағы 2 ауданға бөлінді және шекаралары белгіленуіне байланысты «Әулиеата» және «Жібек жолы» аудандары құрылды. Бұдан өзге қаламыздың Бас жоспарына және егжей-тегжейлі жоспарлау жобасына сәйкес, халық қалаулылары Абай даңғылы арқылы өтпелі көпірдің және жаяу жүргіншілер өткелі құрылыстарын және инженерлік желілерін жүргізу үшін Абай даңғылы бойындағы жер учаскелері мен өзге де жылжымайтын мүліктердің мемлекет мұқтажы үшін мәжбүрлеп иеліктен шығарудың басталуы туралы түскен шарт жобаларын қарады. Нәтижесінде, депутаттарымыз қолдау көрсетіп, көпір құрылысының басталуына орай салтанатты түрде капсула салынды. Көне шаһарымыздағы тұрғындардың және көліктің көбеюіне байланысты, жоба кептелісті азайтып, тұрғындарға жайлылық сыйлайды деген ойдамын.
2024 жылдың ішінде қалалық мәслихаттың перспективалық жоспарына сәйкес 14 сессия, оның ішінде кезектен тыс 10, кезекті 4 сессия өткізілді. Сессиялардың күн тәртібінде негізінен көне шаһарымыздың әлеуметтік-экономикалық дамуының аса маңызды мәселелері қаралды. Депутаттар сессияларда барлығы 85 негізгі мәселелерді қарап, оның ішінде 8 шешім әділет органдарында тіркеуден өтті.
Мәслихаттар қызметінің ашықтығына байланысты мәслихат сессиялары өз кезегінде ютуб платформасына жарияланды. Сессияларға шығарылған мәселелер бойынша депутаттармен зерделеу жұмыстары жүргізіліп, тұрақты комиссиялардың отырысында жан-жақты талқыланып, нақты ұсыныстар берілді. Қалалық мәслихатта төрт тұрақты комиссия жұмыс атқарады.
Мәслихат аппаратына жеке тұлғалардан 63, заңды тұлғалардан 25 өтініш қабылданып, олардың барлығына нақты жауаптар жолданды. Қалалық мәслихат аппаратына әртүрлі мәселелерді қамтыған 553 хат келіп түсті. Келіп түскен хаттардың 78-і назарға алынып, 475-не тиісті жауаптар берілді. Кез келген мәслихат депутатының басты міндеті – сайлаушыларға берген сайлауалды уәдесін орындау, сайлаушылардың сенім үдесінен шығып, өз округіндегі тұрғындардың үмітін ақтау.
Барлық депутаттар өз қызметінде, ай сайын өткізетін қоғамдық қабылдауларда тұрғындардың көтерген немесе өзге де шешімі табылмай жатқан маңызды мәселелер бойынша қала әкімімен бірлескен «2023 2025 жылдарға арналған жалпы саны 107 депутаттық сауал» дайындалды. Оның ішінде бүгінгі күнге дейін 50 сауал орындалса, 29 сауалдың орындалуы осы жылға жоспарланған, 11 сауал орындалу үстінде, ал орындалуы орталық мемлекеттік органдардың құзырына жататын 4 сауал бар. Осы 4 сауал бойынша депутаттар «ҚазСуШар» мекемесінің басшылығымен бірлесіп зерделеу жұмыстарын жүргізді.
Кенжебек ОЛЖАБАЙ,
Тараз қалалық мәслихатының төрағасы
«AQ - JOL». - 2025. – 10 маусым (№63). - 4б.